KITNE BHUTOO MARU GE? WHO WILL CONTINUE BB’s LEGACY?

Posted: October 14, 2014 in News and Views

QUESTION: WHO WILL CONTINUE BB’s LEGACY?

images(3)

Shaheed Zulfiqar Ali Bhutto was an statesman. BB created her own legacy. Who will save or continue her legacy? 

Tribiute to ShaheedBB over her 6th martyer annversary

December 27, 2012 at 3:00pm

‘تم کتنے بھٹو مارو گے

نظم

حسن مجتییٰ

جو قریہ قریہ ماتم ہے

اور بستی بستی آنسو ہے

صحرا صحرا آنکھیں ہیں

 

اور مقتل مقتل نعرہ ہے

سنگ ستاروں کے لیکر

وہ چاند چمکتا نکلے گا

’تم کتنے بھٹو ماروگے

ہر گھر سے بھٹو نکلے گا‘

جو قتل ہوئی وہ خوشبو ہے

تم کتنا رستہ روکو گے

وہ اک ایسا جادو تھی

 

جو سر پر چڑہ کر بولے گی

ہر زنداں کے ہر مقفل کو

وہ چابی بن کر کھولے گی

شور ہواؤں کا بن کر

وہ آنگن آنگن ہولے گی

تم زندہ ہوکر مردہ ہو

وہ مردہ ہوکر زندہ ہے

’تم کتنے بھٹو ماروگے

ہر گھر سے بھٹو نکلے گا‘

تم خاکی وردی والے ہو

یا کالی داڑھی والے ہو

تم نیلے پیلے اودے ہو

 

یا گورے ہو یا کالے ہو

تم ڈاکو چور لٹیرے ہو

یا قومی غنڈے سالے ہو

اپنے اور پرائے ہو

یا اندھیاروں کے پالے ہو

وہ شام شفق کی آنکھوں میں

وہ سوہنی ساکھ سویروں کی

’تم کتنے بھٹو ماروگے

ہر گھر سے بھٹو نکلے گا‘

وہ دیس دکھی کی کوئل تھی

یا تھر میں برکھا ساون کی

وہ پیاری ہنسی بچوں کی

 

یا موسم لڈیاں پاون کی

تم کالی راتیں چوروں کی

وہ پنکھ پکھیرو موروں کی

’تم کتنے بھٹو ماروگے

ہر گھر سے بھٹو نکلے گا‘

وہ بہن کسانوں کی پیاری

وہ بیٹی مل مزدوروں کی

وہ قیدی تھی زرداروں کی

 

عیاروں کی سرداروں کی

جرنیلوں کی غداروں کی

ایک نہتی لڑکی تھی

اور پیشی تھی درباروں کی

’تم کتنے بھٹو مارو گے

ہر گھر سے بھٹو نکلےگا‘

وہ بیٹی تھی پنج آبوں کی

خیبر کی بولانوں کی

وہ سندھ مدینے کی بیٹی

 

وہ نئی کہانی کربل کی

وہ خوں میں لت پت پنڈی میں

بندوقیں تھیں بم گولے تھے

وہ تنہا پیاسی ہرنی تھی

اور ہر سو قاتل ٹولے تھے

اے رت چناروں سے کہنا

وہ آنی ہے، وہ آنی ہے

وہ سندر خواب حقیقت بن

چھاجانی ہے، چھا جانی ہے

وہ بھیانک سپنا آمر کا

’تم کتنے بھٹو ماروگے

ہر گھر سے بھٹو نکلے گا‘

وہ دریا دیس سمندر تھی

جو تیرے میرے اندر تھی

وہ سوندھی مٹی سندھڑی کی

 

وہ لڑکی لال قلندر تھی

’تم کتنے بھٹو مارو گے

ہر گھر سےبھٹو نکلے گا

Bottom of Form

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s